Comelec, umapela ng tulong sa paglilinis ng voters list

Nanghingi ng tulong sa publiko ang commission on elections sa pagtatanggal ng mga pangalan ng mga matagal ng patay sa voters list.

Ayon kay COMELEC Spokesman James Jimenez, maaaring ipagbigay alam sa komisyon kung may pumanaw na kamag-anak ng isang pamilya upang matanggal ito sa listahan.

Paliwanag naman ni Jimenez, hindi nila mamomonitor lahat ng mga nasasawing botante dahil umaasa lang sila sa impormasyon na ibinibigay ng civil registry offices.

Ang pakikipag-ugnayan sa komisyon para sa mga nasawing kapamilya ay malaking tulong sa ahensya.

Nag-umpisa na ngayon araw ang registration ng mga botante para sa Sangguniang Kabataan at Barangay elections sa May 2020.