Ang package na ipinadala sa pamamagitan ng FedEx galing sa Arkansas, USA ay may lamang US$ 12,000 na itinago sa loob ng kahon ng cellphone.
Hindi deklarado ang pera at ibinalot pa sa aluminum foil sa layong mailusot sa customs.
Kinumpiska ng customs ang pera dahil sa paglabag sa Section 1400 in relation to Section 1113 ng Customs Modernization and Tariff Act (CMTA).
Magsasagawa ng imbestigasyon ang BOC Legal Service hinggil sa nasabing package.
Pinayuhan ng customs ang publiko na huwag magdala ng o magpadala ng ganoon kalaking pera.
Sa ilalim kasi ng BSP Manual of Foreign Exchange Transaction dapat ideklara sa Foreign Currency Declaration Forms ang perang dala ng pasahero o ipinapadala kung ito ay lagpas sa USD10,000 o katumbas nito.