PCSO chief Garma, tutok na mapanatiling walang korupsyon sa gaming operations ng ahensya

Nakatutok si Philippine Charity Sweepstakes Office (PCSO) general manager Royina Garma na maging transparent at hindi mababahiran ng korupsyon ang ahensya.

Sa isang press conference, sinabi ni Garma na binigyan niya ang kaniyang sarili ng dalawang linggo para bisitahin at ayusin ang mga proseso ng lahat ng gaming operation ng PCSO.

Ito ay dahil aniya ayaw niyang humaba pa ang umano’y ilegal na gawain.

Isa rin aniya sa ikinokonsidera niya na maraming Filipino ang nangangailangan ng trabaho.

Sinabi ng PCSO na tinatayang P250 milyon ang halaga ng nakitang nawala sa ahensya sa apat na araw na suspensyon ng Lotto operations.