Babae patay sa sunog sa Pasay na tumagal lang ng mahigit isang oras

Isang babae ang nasawi makaraang ma-trap sa nasusunog na bahay sa Barnagay 183, Villamor, Pasay City.

Nagsimula ang sunog alas 5:20 ng umaga ng Miyerkules, July 31.

Ayon sa Pasay City Fire Bureau, nasawi sa sunog si Julie Barrios, 32 anyos na na-trap sa loob ng CR ng nasunog na bahay.

Umabot lang ng 2nd alarm ang sunog at alas 6:22 ng umaga nang ideklarang fire out.

Tatlong bahay ang naapektuhan ng sunog sa compound ng pamilya Barrios.

Hinihinalang ang substandard na kawad ng kuryente at overloading ang dahilan ng sunog.