Bukidnon niyanig ng magnitude 3.5 na lindol

Niyanig ng magnitude 3.5 na lindol ang Bukidnon alas-11:11 Martes ng gabi.

Ayon sa Phivolcs, ang episentro ng lindol ay sa layong 15 kilometro Hilagang-Kanluran ng bayan ng Kalilangan.

May lalim ang pagyanig na pitong kilometro at tectonic ang pinagmulan.

Naramdaman ang Intensity III sa mga bayan ng Kalilangan at Kadingilan.

Intensity II naman ang naramdaman sa mga bayan ng Pangantucan at Damulog.

Hindi naman nagdulot ng pinsala sa mga ari-arian ang lindol at wala ring inaasahang aftershocks.