Pagbawi ng business at mayor’s permit ng mga lotto outlets sa Maynila iniutos ni Mayor Isko Moreno

Bilang pagsunod sa kautusan ni Pangulong Rodrigo Duterte, iniutos ni Manila Mayor Isko Moreno ang pagbawi ng business licenses at mayor’s permit ng mga lotto, stl at iba pang gaming outlets ng PCSO sa lungsod.

Ang kautusan ay inihayag ni Moreno sa kanyang official Facebook page.

Binabawi din ng alkalde ang lahat ng business at mayor’s permit ng mga online sabong na nag-operate sa Maynila ng walang prangkisa mula sa Philippine Amusement and Gaming Corporation.