3 timbog sa buy-bust operation sa QC; P136,000 halaga ng shabu, nakumpiska

Nakumpiska ang 20 gramo ng hinihinalang shabu na nagkakahalaga ng P136,000 sa Quezon City, Linggo ng tanghali.

Batay sa ulat ng Quezon City Police District (QCPD), nagresulta rin ang buy-bust operation sa pagkakaaresto sa tatlong suspek.

Hinuli ang mga suspek makaraang positibong makabili ng ilegal na droga ang undercover na pulis.

Maliban sa shabu, nakuha rin sa mga suspek ang dalawang cell phone, digital weighing scale at ginamit na buy-bust money sa operasyon.

Mahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.