Batanes, muling niyanig ng M5.3 na lindol

Muling nakaramdam ng magnitude 5.3 na lindol ang bayan ng Itbayat sa Batanes, Sabado ng gabi.

Ayon sa ulat ng Philippine Institute of Volcanology and Seismology (Phivolcs) alas 6:11 ng gabi, naitala ang pagyanig 22 kilometro Timog-Silangan ng Itbayat, Batanes.

Tectonic naman ang origin ng lindol na may lalim na isang kilometro.

Naramdaman ang Intensity III sa mga bayan ng Itbayat at Basco sa nasabing lalawigan.

Unang itong itinala ng Philvolcs bilang magnitude 4.9.

Ang muling pagyanig ay aftershock ng magnitude 5.9 na lindol na tumama sa naturang bayan 7:37 ng umaga ng July 27.