Bumuo na ng team ang Bureau of Jail Management and Penology (BJMP) para hanapin ang dalawang preso na tumakas mula sa Quezon City Jail.
Naganap ang pagpuga ng dalawang bilanggo habang abala ang lahat sa ginanap na earthquake drill kaninang madaling-araw.
Kinilala ni BJMP Spokesperson Chief Insp. Xavier Solda ang pugante na sina Mamerto Valenzuela na nahaharap sa kasong rape at Dennis Valdez na sangkot sa pagbebenta ng iligal na droga.
Nabisto ang pagtakas ng dalawa nang bilangin ang mga bilanggo matapos ang earthquake drill.
Pinaniniwalaang sumuot sa drainage ng Quezon City Jail ang mga tumakas na sina Valenzuela at Valdez.
MOST READ
LATEST STORIES