Pinirmahan na ni Manila Mayor Isko Moreno ang dalawang ordinansang nagbibigay ng P500 buwanang tulong pinansyal sa mga piling mamamayan sa lungsod ng Maynila.
Makikinabang sa mga direktibang ito ang mga estudyante na nasa Grade 12 sa mga pampublikong paaralan, senior citizens, person with disabilities o PWDs at mga solo parent.
Ang kwalipikasyon naman para sa pagkuha ng allowance sa:
– Grade 12 students sa mga pampublikong ay kailangang nakarehistro sa Maynila at kung hindi, kailangan mamamayan ng lungsod ang magulang.
– Sa senior citizens ay dapat residente ng Maynila, nasa 60 anyos pataas, at kasama sa master list ng Manila Office of Senior Citizens Affairs
-Sa PWDs, at solo parent ay dapat nakarehistro sa lungsod ng maynila at kasama sa listahan ng Manila Department of Social Welfare
Ayon kay Moreno, ito ang unang pagkakataon na mayroong ordinansang naipasa ng Manila City Council sa loob ng tatlong linggo.
Maipapamahagi ang tulong base sa bisa ng Ordinance No. 8564 para sa mga nasabing mag-aaral at Ordinance No. 8565 para sa mga senior citizens, PWDs, solo parents.