Isa sa mga biktima ay si Romeo Alipan na chairman ng barangay sa Barangay Buenavista, Guihulngan City
Ayon sa mga otoridad, si Alipan, 64 anyos ay pinagbabaril habang nasa loob ng kaniyang bahay ala 1:40 ng madaling araw ng Huwebes (July 25).
Base sa imbestigasyon, pumasok ang suspek sa bahay ni Alipan at saka ilang beses siyang pinaputukan.
Dinala pa sa ospital ang biktima pero idineklarang dead on arrival.
Samantala, dalawang guro sa Guihulngan City Division ang nasawi din sa pamamaril.
Kinilala ang mga biktima na sina Ardale at Arthur Bayawa.
Patuloy pa ang imbestiagasyon ng pulisya sa motibo ng pamamaslang at pagkakakilanlan ng mga suspek.