Ikinadismaya ng Commission on Human Rigths (CHR) ang pahayag ng pangulo na muling pagbuhay sa death penalty sa bansa.
Sinabi ni CHR spokesperson Atty. Jacqueline Ann De Guia na ngangamba sila na matuloy na maging batas ang parusang kamatayan dahil sa masamang epekto nito sa lipunan.
Ipinaliwanag ng opisyal na maraming kaalyado sa kongreso ang pangulo kaya posibleng mapagtibay ito.
Kaya muli niyang pinaalalahanan ang gobyerno na ang pagbalik ng capital punishment sa Pilipinas ay
mariing paglabag sa Second Optional Protocol ng International Covenant on Civil and Political Rigths na nilagdaan noong 2007 ni dating Pangulong Gloria Macapagal-Arroyo.
Sinabi rin ni De Guia na bukas ang kanilang ahensya na makipagpulong sa pamahalaan para mapag-usapan na batay sa katotohanan at tunay na mga impormasyon tungkol sa isyu ng parusang kamatayan.
Naniniwala ang Commission on Human Rights (CHR) na hindi death penalty ang solusyon kontra sa lumalalang kaso ng ipinagbabawal na droga sa bansa pati na rin sa kaso ng katiwalian sa pamahalaan./