Libu-libong tagasuporta ni Pangulong Duterte magtutungo sa IBP Road

Dumami na ang tao sa Pro-Duterte rally na ginaganap sa Barangay Batasan Hills sa Quezon City.

Ayon kay Retired Brigader General Calingasan, aabot sa 15,000 hanggang 20,000 ang magpapakita ng suporta kay Pangulong Duterte.

Ilan sa mga grupo na nasa IBP Road na ay ang Duterte’s Army at D4 Movement for Federalism.

Bantay-sarado naman ng pulisya ang pinagdarausan ng rally sa isinarang Eastbound lane ng IBP Road sa harap ng President Corazon Aquino Elementary School.

Kasalukuyang namang nagkakaroon ng programa kung saan mayroong banda na naghahandog ng awitin.

Inaasahan din ang pagdating ng ilang celebrities gaya nina April Boy Regino, Princess Velasco, Mocha Uson, Richard Reynoso at Ynez Veneracion.