PNP Chief Albayalde ininspeksyon ang Commonwealth Avenue

Nagsagawa ng inspeksyon sina PNP chief, Gen. Oscar Albayalde at NCRPO Chief Police Maj. Guillermo Eleazar sa Commonwealth Avenue sa Quezon City.

Isa-isang inikot ni Albalayde ang lugar na pagdarausan ng kilos protesta, mga tent ng mga pulis maging ang ngo na tumutulong din sa lugar.

Ayon kay Albayalde wala silang nakukuhang banta sa seguridad ng mga magtutungo sa Commonwealth Ave., pero mahigpit ang seguridad na pinaiiral nila.

Humingi naman ng paumanhin si Eleazar sa mga motorista na maiipit sa matinding pagsisikip ng daloy trapiko, dahil na rin sa mga militanteng umokupa sa ilang lane ng Commonwealth Avenue.

Wala pa naman naitatala sa ngayon insidente ang PNP.