3 Indonesian fishermen nailigtas sa karagatan ng Mati, Davao Oriental

Tatlong Indonesian fishermen ang nailigtas sa karagatang sakop ng Mati City sa Davao Oriental.

Kinilala ang mga mangingisda na sina Paulus Baeruma, 50; Batinus Paniat, 54, at Pente Laberu, 45 na palutang-lutang sa karagatan nang maispatan sa Barangay Bobon.

Ayon kay Mati City police chief, Police Major Bembo Aying, pabalik na ng kanilang bansa ang mga mangingisda nang makasagupa nila ang malakas na hangin dahilan para lumubog ang sinasakyan nilang bangka.

Nabatid na apat na araw na palutang-lutang sa karatagan ang mga dayuhang mangingisda bago sila mailigtas.