Manila Rep. Benny Abante isinusulong na maging minority leader

Isinusulong ng isang koalisyon sa Kamara upang maging House Minority si Manila Rep. Benny Abante.

Ayon kay Bayan Muna Rep. Carlos Isagani Zarate, kasama sa koalisyon ang pitong miyembro ng Makabayan bloc, ilang taga Liberal Party at mga taga partylist group.

Sinabi ni Zarate, merong koalisyon ang mayorya kaya bumuo din sila ng sariling koalisyon na magiging fiscalizer ng Mababang Kapulungan.

Para naman kay Ako Bicol Rep. Alfredo Garbin Jr., sampu sila sa partylist group na kasama sa minorya.

Nasa pito naman ang miyembro ng Liberal Party kabilang si Quezon City Rep. Kit Belmonte.