4 sugatan sa M5.1 na lindol sa Athens, Greece

Apat ang naiulat na nasugatan sa magnitude 5.1 na lindol sa Athens, Greece araw ng Biyernes.

Dahil sa pagyanig, maraming residente ang naglabasan at ilang gusali ang nasira.

Nagdulot din ng pagkawala ng kuryente ang malakas na lindol sa lugar.

Isa ang kampana sa Church of Pantanassa sa mga nasira dahil sa pagyanig.

Ayon sa Athens Institute of Geodynamics, hindi bababa sa pitong aftershocks ang naitala, pinakamalakas ang magnitude 3.1.

Ang Greece ay isa sa mga pinaka-earthquake prone na bansa sa Europe dahil sa mga fault lines nito.