LTFRB, TNVS dapat patuloy na mag-usap ayon kay Sen. Grace Poe

Naplantsa na ang isyu sa hatchback cars na maaring magamit sa transport network vehicle service o TNVS.

Ngunit sinabi ni Sen. Grace Poe, na dapat na magpatuloy ang mga dayalogo sa pagitan ng LTFRB at mga may-ari ng TNVS para maging mas maayos ang operasyon ng ride-hailing services.

Aniya dapat sa mga pag-uusap ay higit na ikunsidera ang kapakanan ng mga commuter.

Pinasalamatan na rin ni Poe si Transportation Sec. Arthur Tugade sa pagkiling nito sa mga may ari ng hatchback cars.

Ibinahagi ng senadora na sa Senado ay muling inihain ang panukala para sa regulasyon ng operasyon ng TNVS.