Antas ng tubig sa Angat dam nadagdagan ng halos 2 metro

Sumampa na muli sa 160-meter level ang antas ng tubig sa Angat dam.

Sa nakalipas na 24 na oras kasi nadagdagan ng halos 2-meters ang water level ng Angat.

Sa datos ng PAGASA Hydrology, alas 6:00 ng umaga ngayong Biyernes (July 19), nasa 160.16 meters na ang water level ng dam.

Nadagdagan din ang water level ng Ipo dam na ngayon ay nasa 100.97 meters ang water level at ang La Mesa dam na nasa 73.09 meters.

Ang Ambuklao, Binga, Pantabangan, at Magat ay pawang nadagdagan ang water level.

Habang nabawasan ng kaunti ang water level ng San Roque dam at Caliraya dam.