Magkakaibigan nag-inuman malapit sa dagat; 2 patay matapos malunod sa Zambales

Dalawang magkaibigan ang nasawi makaraang tangayin ng malakas na alon sa dagat sa Iba, Zambales.

Ayon kay Iba, Zambales Disaster Risk Reduction Management Office Head Andres Antonio, Martes ng hapon nang magkayayaang mag-inuman at magtampisaw ang tatlong magkakaibigan sa dalampasigan sa kasagsagan ng Bagyong Falcon.

Kinilala ang unang nasawi na si Marisol Dagohoy na naisugod pa sa ospital ngunit idineklarang dead-on arrival.

Nawala naman ng halos 24 oras si Alison Testimio bago matagpuan ang katawan nito.

Nakaligtas naman ang kaibigan ng dalawa na nakilalang si Ayra Saytono.

Ayon kay Antonio, mahigpit na pinaalalahanan ang mga baranggay na bantayan ang coastal areas ngunit may mga nakakalusot pa ring iilang katao.