Pulisya may tatlong person of interest na sa pagpatay sa broadcaster sa Kidapawan City

May tatlong person of interest ang North Cotabato Provincial Office sa pamamaslang sa mamahayag na si Eduardo Dizon sa Kidapawan City noong nakaraang linggo.

Inihayag ito ni Provincial Director Police Colonel Maximo Layugan sa Peace and Order Council meeting kahapon (July 16).

Sinuri na rin ang CCTV footage kung saan makikita si Dizon bago ito napaslang.

Tiwala naman si Layugan na mapapadali ang pagresolba sa kaso kasabay ng pagbuo ng Special Investigation Task Group na nakatutok sa pagpaslang sa brodkaster.

Si Dizon ay sakay ng kanyang sasakyan nang harangin ng mga salarin na naka-motorsiklo at pinagbabaril hanggang sa mapatay noong miyerkules, July 10.