‘Term cutting’ sa mga senador maaring biro lang ni Rep. Alan Peter Cayetano ayon kay Sen. Tito Sotto III

Kailangang amyendahan ang Saligang Batas para mabago ang termino ng mga senador.

Ito ang reaksyon ni Senate President Vicente Sotto III sa balakin ni presumptive House speaker Alan Peter Cayetano.

Aniya hindi rin kakayanin ng bagong batas ang nais ni Cayetano.

Kung magkakaroon man, dagdag pa ni Sotto, ay dadaan pa ito sa Senado at sa kanyang palagay ay agad itong ibabasura.

Dagdag pa ng senador maaring nagbibiro lang ang dati nilang kasamahan sa Senado.

May pahayag din si Cayetano na balak niya na palawigin naman ang termino ng mga kongresista.