Davao Oriental at Eastern Samar niyanig ng lindol

Niyanig ng magnitude 3.3 na lindol ang lalawigan Davao Oriental.

Ayon sa Phivolcs, naitala ang pagyanig sa 23 kilometers Southwest sa bayan ng Governor Generoso, alas-4:40 umaga ng Lunes (July 15) at may lalim na 164 kilometers.

Samantala, niyanig naman ng magnitude 3.5 na lindol ang lalawigan ng Eastern Samar.

Naitala ang pagyanig sa 23 kilometers Northeast ng bayan ng Hernani, alas-5:11 ng umaga at may lalim na 18 kilometers.

Naitala naman ang instrumental intensity 1 sa bayan ng Borongan.

Tectonic ang origin ng dalawang pagyanig.

Wala namang naitalang pagkasira sa mga ari-arian at aftershocks.