Ipinauubaya na ni Queen of All Media Kris Aquino sa kanyang mga fans kung siya ba ay dapat magbalik-pelikula na o magpahinga muna.
Base sa video na ipinost sa kanyang Instagram account, ipinakita sa video na binibigyan siya ng medical treatment ng kanyang doktor.
Tinanong niya ang kanyang mga fans dahil aniya, sila naman ang manonood ng pelikula kung dapat na siyang magkaroon ng comeback movie o ibigay na lang muna sa ibang aktres ang kaniyang role.
Si Kris ay nakatakdang bumida sa isang horror movie na may pamagat na “Kampon” kung saan makakasama rin ito sa gaganaping 2019 Metro Manila Film Festival.
Ang Queen of Talk ay na-diagnose ng rare autoimmune disease.
Pinagbidahan niya ilang horror movies tulad ng Feng Shui (2004), Sukob (2006), Dalaw (2010) at Segunda Mano (2011).