LOOK: Paaralan sa Davao Del Sur nagtamo ng matinding pinsala matapos ang malakas na lindol

Nagtamo ng matinding pinsala ang Salud Cagas Technical and Vocational High School sa Magsaysay, Davao del Sur matapos ang tumamang magnitude 5.6 na lindol sa North Cotabato.

Bumagsak ang kisame sa isa sa mga silid aralan ng eskwelahan.

Maliban sa kisame, nagtamo din ng pinsala ang iba pang classrooms at nagkalat ang mga bubog at debris sa palibod ng paaralan.

Nawasak din ang mga book shelf at nagbagsakan ang mga libro.

Kabilang ang Davao del Sur sa nakaramdam ng malakas na pagyanig sa lindol na tumama sa North Cotabato na ang sentro ay sa bayan ng Makilala.

Ayon sa Phivolcs, Intensity 5 ang naitala sa Santa Cruz, Davao Del Sur.