Filipino suicide bomber panibagong hamon sa mga otoridad ayon sa isang security expert

Bagong hamon para sa mga otoridad ang pagkakaroon na ng Filipino na suicide bomber.

Sinabi ito ni National Security and International Studies Expert Professor Rhommel Banlaoi matapos makumpirmang Pinoy ang isa sa mga suicide bombers sa naganap na pagsabog sa Indanan, Sulu.

Sa panayam ng Radyo Inquirer, sinabi ni Banlaoi indikasyon ito na nagbago na ang nature ng terrorist threat sa Pilipinas.

Ayon kay Banlaoi ang nangyari sa Indanan, Sulu, kung saan isang 23 anyos na Pinoy ang suicide bomber ay pagpapakitang may kakayahan ang isang Filipino na magsagawa ng suicide attacks.

Umaasa naman si Banlaoi na mapipigilan ng mga otoridad na dumami pa ang mga Pinoy na ma-inspire ng mga teroristang grupo na gawin ang ganitong taktika.