Natupok ang apat na bahay at isang apartment sa sunog sa Barangay San Roque sa Cavite City Lunes ng gabi.
Ayon sa Bureau of Fire Protection (BFP), umabot sa ikaapat na alarma ang sunog na nagsimula alas 8:50 ng gabi.
Nahirapan ang mga bumbero apulahin ang sunog dahil walang supply ng tubig sa lugar bunsod ng water interruption.
Sa mga larawan ng Philippine Red Cross, makikita ang pagtulong ng kanilang mga tauhan sa mga residente.
Ayon sa Red Cross, may isa silang dinala sa ospital dahil nahirapang huminga.
Dakong 11:36 ng gabi ng magdeklara ng fire out ang BFP.
Iniimbestigahan ang pinagmulan ng apoy at ang halaga ng natupok na ari-arian.
Our staff and volunteers are now responding to a fire incident in Gen.Luna st.Brgy.56 Cavite City. We have already sent an ambulance team to the said incident. 4th alarm level was raised. Updates to follow. pic.twitter.com/Trlcuvvdmn
— Philippine Red Cross (@philredcross) July 8, 2019