Top 10 most wanted person ng Navotas City arestado na

Timbog ang top 10 most wanted person ng Navotas police matapos ang ginawang operasyon laban sa suspek kagabi, July 6.

Nakilala ang suspek na si Noel Rosales Dialino, alyas Bato, 37-anyos at residente sa lungsod ng Navotas.

Ayon sa Navotas Police, bandang alas 7:45 ng gabi  nahuli si Dialino sa Liwayway St., Barangay Bayanan para sa kasong pagpapatay.

Hindi naman pumalag ang suspek habang dinarakip at agad itong sumama sa mga otoridad.

Nakakulong na ang suspek sa Navotas Police Station habang hinihintay nito ang mga pagdinig sa korte sa kanyang kaso.