Chop-chop na bangkay nakita sa ilog sa Camarines Sur

Natagpuan ang chop-chop na katawan ng isang lalaki sa ilog sa Libmanan, Camarines Sur.

Ayon sa Libmanan Police, isang residente ang nakakita sa palutang-lutang na sako sa ilog.

Nang iahon ang sako ay may laman itong kalahating katawan ng lalaki habang nakita sa iba pang lugar ang nakasako rin na iba pang parte ng katawan ng biktima.

Inilibing naman na ang bangkay dahil nangangamoy na ito.

Wala pang pagkakilanlan ang bangkay ng lalaki na tinatayang nasa edad 40 anyos pataas.