Isa patay nang tumagilid ang isang 18-wheeler truck na may kargang bakal sa Nasugbu, Batangas

 

Isa ang patay nang tumagilid sa pakurbang bahagi ng national road sa kahabaan ng Sitio Bayabasan sa Barangay Aga ang isang 18-wheeler truck na may kargang higit sa 600 na steel bars.

Sakay ng nasabing trak ang sugatang driver nito na agad namang naisugod sa Jabez Medical Center habang nahirapan namang ilabas mula sa pagkakaipit sa loob ng trak ang pahinante nito.

Samantala, nakipagtulungan naman sa pulisya ang Municipal Disaster Risk Reduction and Management Office ng Nasugbu upang agad na marekober ang katawan ng pahinante.

Kasalukuyan paring iniimbestigahan ng pulisya ang mga posibleng dahilan ng aksidente.