2.7 percent inflation sa Hunyo, ikinalugod ng Malakanyang

Ikinalugod ng Palasyo ng Malakanyang ang naitalang 2.7 percent na inflation rate para sa buwan ng Hunyo.

Ayon kay Presidential spokesman Salvador Panelo, napipigilan ng administrasyon ang pagsipa ng inflation rate sa bansa.

Dahil dito, binati ni Panelo ang mga economic manager para sa maayos na trabaho at maging sa mga mambabatas na nagpasa ng Tax Reform for Acceleration and Inclusion (TRAIN) law.

Nakatulong din kasi aniya ang TRAIN law para mapabagal ang inflation.

Naabot din aniya ng economic managers ang target sa naitalang inflation rate.

Bwelta pa ni Panelo sa mga kritiko, sanay na ang administrasyon sa patuloy na paghahanap ng mali sa sistema ng pamahalaan.