DepEd, tutulong sa imbestigasyon ng PNP kaugnay sa pamamaril sa isang Grade 7 student sa Calamba City

Makikipagtulungan ang Department of Education (DepEd) sa isasagawang imbestigasyon ng Philippine National Police (PNP) ukol sa pamamaril sa isang Grade 7 student sa Castor Alviar National High School sa Calamba, Laguna.

Sa inilabas na pahayag, sinabi ng DepEd na nakikipag-ugnayan ang Schools Division Office (SDO) ng Calamba City police para alamin ang motibo sa krimen.

Nasawi ang biktima matapos barilin sa loob mismo ng classroom ng suspek na si Renan Estrope Valderama alyas Renz Ivan Valderama.

Nagparating naman ng pakikiramay ang kagawaran sa pagkamatay ng biktima.

Tiniyak din ng DepEd ang pagbibigay ng tulong-pinansyal sa naiwang pamilya ng biktima.