26 na mangingisda patay sa paglubog ng bangka sa Honduras

Patay ang 26 katao nang lumubog ang sinasakyan nilang fishing boat sa Honduras.

Hindi pa malinaw ang sanhi ng paglubog ng bangka na may lulang mga mangingisda.

Napag-alam pa na nakapagpadala pa ng mensahe para humingi ng tulong ang kapitan ng fishing boat na pinaniniwalaang kasama sa mga nasawi.

Samantala, aabot naman sa 47 katao ang nailigtas sa paglubog ng isang bangka malapit naman sa silangang bahagi ng Mosquitia region sa naturang bansa.

Ayon sa Honduras Armef Forces dinala na ang mga nakaligtas sa pinakamalapit na syudad ng Puerto Lempira.