Sa kanyang Senate Bill 56 o ang Foundling Recognition Act, sinabi ni Lapid na sasakupin din nito ang mga inabandonang bata na walang kinikilalang magulang.
Una nang inihirit ni Lapid ang panukala noong 2015 at ngayon 18th Congress ay kasama ito sa unang 10 panukala na kanyang inihain.
Dagdag paliwanag ng nagbabalik na senador, sa kanyang panukala ang natagpuang bata ay ituturing ng anak ng unang nakakita sa kanya.
Sa ngayon, ang citizenship ng sinoman natagpuang bata ay nakabitin hanggang sila ay inampon o naging naturalized base sa batas kayat wala silang mga karapatan sa ilalim ng Civil Code, Family Code at iba pang mga batas.