Turista patay sa pagsabog ng bulkan sa Italya

Patay ang isang hiker at inilikas ang iba pa ng mga turista makaraang sumabog ang bulkan sa Stromboli Island sa Italy.

Dalawang magkasunod na malakas na pagsabog ang naitala sa bulkan araw ng Miyerkules.

Ayon sa mga otoridad, maliban sa isang turistang nasawi ay may ilan ding nasugatan.

Isang 35 anyos na lalaki ang nasawi, habang ang kasama nitong Brazilian na hiker ay natagpuang dehydrated at nasa state of shock.

Agad namang nagpadala ng navy boats upang mailikas ang iba pang mga turista.