Warriors magdadagdag ng 2 players matapos mawala si Durant

Magdadagdag ang Golden State Warriors ng dalawang players habang dalawang players nila ang mananatili sa line-up kasunod ng pagkawala ni Kevin Durant na lumipat sa Brooklyn Nets.

Ayon sa ulat, maglalaro na sa Warriors sina Willie Cauley-Stein at Glenn Robinson III.

Habang pananatiliin ng koponan si Klay Thompson at muling pipirma ng kontrata si Kevon Looney.

Pumayag si Looney sa tatlong taong kasunduan para manatili sa Warriors.

Bagamat palaging binabago ng team ang kanilang starting center depende sa matchup, maraming oras ang nilaro ni Looney sa post season at kinilala ito ni coach Steve Kerr bilang isa sa mga mahalagang players ng Warriors.

Makakasama nina Looney at Thompson si Cauley-Stein na galing sa Sacramento.

Habang si Robinson ay huling naglaro sa Detroit at sinasabing pumayag ito sa dalawang taong deal sa Warriors.