Sa kanyang Senate Bill 24, sinabi ni Lacson na papayagan ang publiko na personal na mapanood at makibahagi sa talakayan ng mga mambabatas na humihimay ng pambansang pondo, mula sa mga komite hanggang sa bicameral conference committee.
Pagdidiin ng senador panahon na para kilalanin ng Kongreso ang kahalagahan ng direktang partisipasyon ng mamamamayan sa budget deliberations.
Naniniwala din si Lacson na kapag nangyari ang kanyang nais, mahihirapan na ang pagsingit ng pork barrel ng mga mambabatas dahil masusuri na ng publiko ang pambansang pondo.
Nakasaad din sa panukala, na ang mga civil society organizations ay maari din magsumite ng kanilang position papers hinggil sa inihihirit na budget ng mga ahensiya ng gobyerno.