P4M na halaga ng ilegal na droga nakumpiska sa 3 drug suspek sa Bulacan

Arestado ang tatlong drug suspect sa ikinasang operasyon kontra ilegal na droga sa Baliwag, Bulacan.

Ikinasa ang buy-bust laban sa dalawang lalaki at isang babaeng suspek na positibong nabilihan ng shabu ng poseur buyer sa Brgy. Poblacion.

Nakuha sa tatlo ang dalawang malaking pakete na naglalaman ng hinihinalang shabu, maliliit na sachet ng shabu, at ang ginamit na buy bust money.

Sa pagtaya ng mga otoridad aabot sa mahigit P4 million ang street valuye ng nakumpiskang shabu sa tatlo.

Ayon sa Baliwag police, ang tatlo ay supplier ng ilegal na droga sa Baliwag at mga kalapit na bayan.