GSIS President at GM nagbitiw na sa pwesto

Nagbitiw na sa pwesto si Government Service Insurance System (GSIS) President at General Manager Jesus Clint Aranas.

Ito ay kinumpirma mismo ni GSIS Vice President Marge Jorillo.

Sa liham ni Aranas kay Pangulong Rodrigo Duterte, iginiit nito ang pagsusulong sa interes ng ahensya at mga miyembro nito.

Sumusunod din aniya siya sa mga batas at hindi isinuko ang kanyang integridad.

Ipinadala ang liham ni Aranas sa Punong Ehekutibo, araw ng Martes (July 2).

Sa ngayon, hindi pa malinaw kung ang naging dahilan ng pagbibitiw ni Aranas.