Ito ang ibinahagi ni Sen Joel Villanueva na siyang namumuno ngayon sa naturang komite.
Bunga nito maaring pag-agawan ang komite bagamat ayon kay Villanueva ang mayorya pa rin ang magbobotohan kung kanino mapupunta ito.
Una nang napagkasunduan sa welcome dinner para sa mga bagong senador na hatiin ang komite, ang Basic Education ay pamumunuan ni Sen. Win Gatchalian samantalang kay Villanueva ang Higher Education at Vocational.
Hindi nakadalo sa dinner si Cayetano dahil nasa ibang bansa ito.
Nitong mga nagdaang araw, nagpaparinig na si Cayetano sa kanyang interes na solohin ang pamumuno sa komite.
Nagmamatigas naman si Villanueva sa napagkasunduan na paghahati sa komite at sila ni Gatchalian ang mamumuno.