Informal at verbal agreement lamang ang naging kasunduan nina Pangulong Rodrigo Duterte at Chinese President Xi Jinping na hayaan ang China na makapangisda sa Exclusive Economic Zone ng Pilipinas sa West Philippine Sea.
Katunayan, sinabi ni Presidential Spokesman Salvador Panelo, pabulong lamang ang naturang kasunduan nang magkaroon ng bilateral meeting sina Pangulong Duterte at Xi sa Beijing noong 2016.
Bagaman verbal agreement lamang ito ipinaliwanag ni Panelo na ito ay maituturing na binding kahit walang pinipirmahang agreement o anumang written agreement ang dalawang lider.
Ayon kay Panelo, panghahawakan ni Pangulong Duterte ang word of honor ng China.
Sa ngayon, aminado si Panelo na hindi maaaring idiga ng Pilipinas ang desisyon ng permanent court of arbitration na kumakatig sa bansa sa pangambang gyerahin ng China ang Pilipinas.
Nauna nang sinabi ng mga kritiko ng pangulo na gagamitin nila ang nasabing isyu para sampahan ng impeachment complaint si Duterte.