1 sugatan, 160 pamilya nawalan ng tirahan sa sunog sa Brgy. Bahay Toro sa Quezon City

Tinupok ng apoy ang isang residential area sa bahagi ng Barangay Bahay Toro sa Quezon City.

Nagsimula ang sunog alas 10:00 ng umaga sa General Avenue.

Agad itong iniakyat sa 3rd alarm makalipas ang ilang minuto.

Isa ang naitalang nasugatan dahil sa naturang insidente.

Habang aabot sa 160 pamilya ang nawalan ng tirahan.

Idineklarang under control ang sunog alas 10:57 ng umaga.