Vintage bomb nadiskubre sa Tondo, Maynila

Natagpuan ang isang vintage bomb sa bahagi ng waterway sa Balut, Tondo Maynila.

Nangungulekta ng recyclable materials ang mga bata Linggo (June 30) ng hapon nang makita ang bomba.

Ayon sa mga tauhan ng Manila Police, hindi agad nalaman ng mga bata na vintage bomb pala ang kanilang nadampot kaya dinala pa nila ito sa junkshop para ipa-kilo.

Pero pagdating sa junkshop sinabi ng may-ari ng establisyimento na isa itong bomba.

Agad namang nai-turn over sa mga tauhan ng Raxabago Police station ang nasabing vintage bomb.