Panelo binigyan ng 9 out of 10 na grado si Duterte

Nine out of ten ang grado ni Presidential Spokesman Salvador Panelo sa tatlong taong panunungkulan ni Pangulong Rodrigo Duterte.

Sa panayam ng Radyo INQUIRER, sinabi ni Panelo na bagama’t tatlong taon o kalahati pa lamang sa termino ang pangulo, natupad na nito ang lahat ng kanyang pangako noong panaho ng kampanya.

Katunayan,maging si dating pangulong Gloria Macapagal aniya ay bilib kay Pangulong Duterte.

Walang presidente aniya ang makapapantay sa nagawa ng presidente.

Halimbawa na lamang ang paglaban ng pangulo sa korapsyon, iligal na droga at kriminalidad.