Thunderstorm advisory sa Metro Manila, Cavite at Laguna inilabas ng PAGASA

Makararanas ng katamtaman hanggang sa mabigat ng buhos ng ulan na may kasamang kidlat at malakas na hangin ang Metro Manila, Cavite at Laguna.

Sa thunderstorm advisory ng PAGASA bandang 12:48 ng tanghali, iiral ang sama ng panahon sa susunod na dalawang oras.

Maliban sa mga nasabing lugar, mararamdaman din ang sama ng panahon sa Cardona, Angono, Taytay at Cainta sa Rizal.

Sinabi ng PAGASA na maaari ring maapektuhan ng sama ng panahon ang mga kalapit na lugar.

Nag-abiso naman ang weather bureau sa mga residente ng mga apektadong lugar na maging alerto sa posibleng pagbaha at landslide.