Water level sa Angat Dam muling nabawasan, ilang Dam sa Luzon bahagyang nadagdagan

Muling nabawasan ang water level sa Angat Dam.

Ayon sa PAGASA Hydro-meteorological Division, ang water level ng Angat Dam ngayong ala-6:00 ng umaga ay nasa 158.15 meters mas mababa sa 158.40 meters na lebel nito kahapon ng umaga.

Nabawasan din ang water level ng Ipo, San Roque, Pantabangan, Magat at Caliraya Dams.

Samantala, bahagya namang nadagdagan ang water level ng La Mesa Dam.

Ang water level ng La Mesa Dam ngayong ala-6:00 ng umaga ay nasa 70.16 meters mas mataas kumpara sa 69.98 meters na lebel nito kahapon ng umaga.

Bahagyang nadagdagan din ang water level ng Ambuklao at Binga Dams.