Mindanao region, delikado pa rin – Pangulong Duterte

Nanatiling delikado ang Mindanao region lalo na para sa mga dayuhan.

Pahayag ito ni Pangulong Rodrigo Duterte kahit dalawang taon nang umiiral ang Martial law sa Mindanao region.

Ayon sa pangulo, patuloy na umiiral ang karahasan sa rehiyon.

Matatandaang May 2017 nang magdeklara ang pangulo ng batas militar sa rehiyon nang lusubin ng teroristang Maute Group at ISIS ang Marawi City.

Tatlong beses nang pinalawig ng pangulo ang Martial law sa Mindanao region.