Provincial director ng TESDA sa Basilan inaresto matapos nahulihan ng mga bala at pampasabog

Dinakip ng mga otoridad ang provincial director ng Technical Education and Skills Development Authority (TESDA) sa Isabela City sa Basilan.

Nagtungo sa bahay ni TESDA Provincial Dir. Muaida Hataman ang mga tauhan ng Criminal Investigation and Detection Group (CIDG) at Armed Forces of the Philippines (AFP) sa Barangay San Rafael, Isabela City, Biyernes, June 25 ng umaga.

Nakuha sa loob ng bahay ni Hataman ang mga pampasabog at mga bala para sa iba’t ibang mga armas.

Si Muaida ay isa sa mga asawa ni Radzmir Janatul.

Si Janatul ayon sa AFP ay sub-commander ng Abu Sayyaf Group sa ilalim ni ASG leader Furuji Indama.