Water level sa Angat dam bumagsak pa sa 158.77 meters

Kahit nakaranas ng magdamag na pag-ulan, nabawasan pa rin ang water level sa Angat dam sa nakalipas na 24 na oras.

Alas 6:00 ng umaga ngayong araw, June 25 ay nasa 158.77 meters ang water level ng Angat dam.

Nabawasan pa ito kumpara sa 159.09 meters na water level nito kahapon ng umaga.

Ang water level sa Ipo dam ay nabasawan din at ngayon ay nasa 99.67 meters.

Habang ang La Mesa dam naman ay nadagdagan ang water level at ngayon ay nasa 69.20 meters.

Ang Ambuklao at Binga dam ay nadagdagan ng bahagya ang antas ng tubig.

Habang pawang nabasawan naman ang water level ng San Roque, Pantabangan, Magat at Caliraya.