Oil price hike epektibo na ngayong umaga

Epektibo na simula ngayong umaga ang ikalawang sunod na linggong pagtaas sa presyo ng mga produktong petrolyo.

Sa abiso ng mga kumpanya ng langis tataas ng P0.30 ang presyo ng kada litro ng gasolina habang P0.55 ang dagdag sa kada litro ng diesel.

Ang Petron, Shell, Flying V, Caltex at Seoil ay may dagdag namang P0.45 sa kada litro ng kerosene o gaas.

Nauna nang nagpatupad ng taas-presyo ang Caltex na susundan ng lahat ng kumpanya ng langis mamayang alas-6:00 ng umaga.

Ang muling pagtaas sa presyo ng imported na petrolyo ay dahil pa rin sa nagaganap na tensyon sa Gitnang Silangan.